” شرب الموية الكتير ممكن يؤدي للوفاه🫣”
اسطورة ولا حقيقة؟
لا يا غالي الكلام ده حقيقة!
داير تعرف كيف؟
ملائكة الرحمة تحت أمرك يا جميل😁
الكلى عندها سعة قصوى من الموية ممكن تعمل ليها معالجة خلال فترة زمنية معينة وهي بمعدل (0.8) إلى (1) لتر خلال الساعة يعني لو شربت اكثر من كده خلال الساعة تبقى معرض ل #التسمم_المائي
لما تكون نسبة المويه عاليه في الدم الجسم بتخلص من الصوديوم كبديل وده بعمل مشاكل زي الهلوسة والإرتباك، والصداع وآلام الرأس طبعا، وفي الحالات المتقدمة من التسمم المائي بتتورم خلايا الدماغ وبتزبد الضغط على الجمجمة مسببة في بعض الحالات لا قدر الله الوفاة!
عشان كده يا حبوب اشرب موية بي انتظام خلال الحر لكن احذر من الإسراف عشان شنو؟
عشان صحتك وما تبقى عرضة للإصابة بالتسمم المائي يا جميل.
