في رايك أكتر انواع السرطان أنتشارا لدى النساء شنو
؟
اي عارفك مثقف وأغلبنا حيجاوب صاح وهو #سرطان_الثدي عافنا الله وإياكم.
رايكم شنو نديكم معلومات غريبة عن المرض ده؟
طيب عارفين انو المرض ده يصيب النساء غالبا صاح؟
اي (غالبا) لانو يصيب الرجال ايضا بي نسبة منخفضة!
سؤال البوست… ورونا في التعليقات :
“كم نسبة اصابه الرجال بسرطان الثدي؟”
انت عارف انو أكثر من ربع الحالات وتحديدا (25_30)% من حالات اصابة النساء الجديدة بالسرطان هي اصابات سرطان الثدي؟!
معلومتنا الأخيرة لي الليلة انت عارف انو التدخين وادمان الكحول سبب للإصابة بسرطان الثدي؟
اي ما سرطان الرئة او الكبد بس!.
وفي الختام كلمة لي اخواتنا :
دايما الكشف المبكر اول خطوات العلاج ونسبة النجاه من المرض ده كل يوم بترتفع الحمد لله عشان كده أبدا ما تخافي المستقبل أجمل ان شاء الله.
