حصل مرة انت قاعد مع اعمامنا الكبار الجميلين ديل وسمعت انو لقاح #كورونا ده عاملنه عشان يقتلو نص العالم ونظريات المؤامرة دي وفكرت اللقاح ده بشتغل كيف؟
تعال يا جميل ملائكة الرحمة دايما عشان عيونك جاهزين
ناس الأحياء أظهروا لينا في التعليقات بي جاي 
طبعا اللقاحات عموما عندها انواع كتيرة لكن حنديكم اهم نوعين او اكثر #لقاحات كورونا انتشارا :
النوع الاول :
اللقاحات المعتمدة على الحمض النووي الريبي المرسال (mRNA)
زي لقاح فايزر-بيونتيك (Pfizer-BioNTech)
واللقاحات دي بتستخدم تقنية mRNA لإعطاء خلايا الجسم تعليمات لصنع بروتين مشابه للبروتين الشوكي الموجود على سطح فيروس SARS-CoV-2.
المختصر انو بعد الحقن بتنتج أجسام غريبة لكن ما عندها مقاومة زي المرض الاساسي وبقوم الجسم يحاربها ويحفظها عندو عشان لمن يجي المرض يدخل الجسم مجددا يكون جهاز المناعة اتعرف على طريقة محاربته ويهاجمه بسرعة قبال يعمل مشاكل.
النوع الثاني :
اللقاحات المعتمدة على الفيروس الغدي (Adenovirus Vector)
زي لقاح جونسون آند جونسون (Johnson & Johnson)، لقاح أسترازينيكا-أكسفورد (AstraZeneca-Oxford).
اي دي الانواع الكانت الأكثر انتشارا في السودان
ودي بتشتغل كالآتي:
اللقاحات دي بتستخدم فيروس غدي غير ضار كنظام توصيل لنقل الجين البشفر البروتين الشوكي لفيروس SARS-CoV-2 إلى خلايا الجسم.
بعد داك بيحصل زي ما حصل في النوع الفات وتبقى محصن ان شاء الله من أعراض المرض.
يلا يا جميل الإختلاف الأساسي بين النوعين شنو؟
شاركنا إجابتك في التعليقات يا حبوب
